الرئيسيةس .و .جبحـثالتسجيلالأعضاءالمجموعاتدخول

شاطر | 
 

 الامانة - الفصل الأول - قسم 2

اذهب الى الأسفل 
كاتب الموضوعرسالة
Admin
Admin


المساهمات : 150
تاريخ التسجيل : 26/10/2007
العمر : 60

مُساهمةموضوع: الامانة - الفصل الأول - قسم 2   الأربعاء ديسمبر 19, 2007 7:59 pm

بينما الشجار مستمر"



تسمع الاغنيه رقم (2):



انا بصرخ

انا بصرخ

انا بصرخ يا بلد

... إصحو بقى من النوم

ووحدوا الاحد

يا خي اصحوا

يا خي اصحوا

اصحوا يا بلد

- اصحوا بقالكو سنين

جوا القبر نايمين

والفرح صارلو سنين مشي عنا والبتعد

يا خي اصحو... يا خي اصحو

اصحو يا بلد

vvv

- على ايش مختلفين

على ايش مفرقين

شي شمال

وشي يمين

على ايش على ايش

على ايش يا بلد

يا خي اصحو يا خي اصحو...

ووحدوا الاحد...









"بينما الشجار مستمر

يدخل الحاج محمود الى المسرح شيخ متقدم بالسن يتوكا على عصاه

تبدو عليه علامات الوقار، يقف ليرفع عصاه عاليا"

الحاج محمود: يا اهل البلد

يا ناس

يا اللي ما تخافوا الله...

على ايش مختلفين

على ايش

كلكو اهل...

كلكو اخوان

يا عيب الشوم يا عيب الشوم...

وحدو الله وحدوه...

يا اسفاه على الاهل لما ايديهن يرفعوها على بعض

يا اسفاه...

وين الشهامه وين بدكو ترحوا من وجه الله

على ايش مختلفين

ها...

قولولي على ايش

عَ الارض...

الارض للي خلقها... ما حدا بوخذ معاه على قبرو إشي

عَ المي... المي الله بشتيها\\

زي ما النا زي ما الكو

زي ما الهن زي ما النا...

كل إشي بها البلد ملك كل اهل البلد

ملك الولد قبل لختيار

الله يرض عليكو...

بلاش تخلو الكره يعميكو

بلاش اتخلو الحقد يعميكو

خلينا قلب واحد...

بلدنا اكبر من هيك

اكبر من هيك بكثير

بلدنا إمنا

امنا اللي حرام نجور عليها

والله

والله

والله انو قلب هَـ الارض بتقطع يوم اتشوف ولادها مختلفين

انو كل حبه تراب بتلعنكو يوم ما تتقاتلو

خافوا الله

خافوا الله

يا ريتني متت الف موته قبل ما شفتكو

رافعين ايديكو على بعض

شو بدي اقول

قولولي شو اقول

والله ما بعد عندي حكي

مش لاقي حكي...

بس اختفو على هَـ الحاله اللي احنا فيها

"يضرب وجهه بيديه"

والله نسيتوني

نسيوني لويش انا كنت جاي لهون

انا كنت جاي اقلكو... شو اقلكو

البلد بدها تروح... البلد بدها تروح

البلد الي مختلفين عليها هياها بدها تروح...

"كلهم يقتربون منه ويلقون بالعصي وادوات القتال على الارض"

احمد: ليش ليش يا حج ؟

الحاج محمود: هياهن انتو بتتقاتلو هون وهياهن بقيسوا الارض هناك...

بدهن يصادروا ارضنا

احمد: كيف يصادروها

وين إحنا رحنا؟

الحاج محمود: مهو انتو مش فاضين مش فاضين غير لبعضكو...

احمد: لا يا حج

وقت الجد كل اهل البلد قلب واحد...

الحاج محمود: هياهن عند اول البلد جايبين سيارات وتراكتورات

وبقيسوا بالارض

بدهن يصادروها...

علي: كيف يصادروها واحنا وين رحنا

احمد:"ينظر الى علي باستغراب" علي انت بتحكي جد

علي: شو عن جد

ارضنا هاي

احمد: علي مش مصدق عيوني

علي: يا خي عمرك ما تصدق

ونا اول واحد بموت ولا يوخذوا شبر ارض

احمد: بطل يا علي

يا الله... بدك بوسه من عيونك

علي: انا اول واحد

احمد: انا معاك

"احمد وعلي يقفان احدهما امام الاخر ينظران الى بعض بأسف ويتعانقان

الاشخاص على المسرح صامتون"

علي: شو بتستنو ؟

ي الله عند اول البلد...

وين قلت يا حج وين اللي بدهن يوخذو الارض؟

الحاج: انا جاي معاكو

علي: لا خليك يا حج ي مكن يصير بالمسئله ضرب احنا بدنا ش انت تكون

الحاج: انا اول واحد رايح

علي: يا الله يا جماعه... يا الله

"الاشخاص يهمون بالغادره"

الحاج: وقفوا

العصي الي كنتو رافعينها على بعض

اجا الوقت ترفعوها على اللي بستاهل ترفعوها بوجهو

"كلهم يتناولون العصي عن الارض"

علي: يا الله على اول البلد

ويا ويلو اللي بقرب

على شبر من ارضنا...

يا الله يا شباب

الحاج: يا الله

والله معانا

الله معاهم الشباب



اغنيه رقم (3):



ابني يا ابني الارض هي بيك

هي امك واختك وهي خيك

فيها عظم جدك

وجد جدك

وبكره عليها يكبر بنيك

هي الشرف يا بني ولا ينهان

لو عطشت اسقيها من الشريان

الارض هي المعنى للانسان

هي امك واختك وهي خيك

vvv

ارضي يا ارض الطيبين

ارضِ جدودي الفلاحين

ارض الناس اللي لقمتهن

مغموسه بتراب وطين

vvv

يا ارضي السمره يا ارضي

يا شرفي وعرضا من عرضيِ

احميها بعيوني ارضي

وارويها دم الشرايين

ارض العامل والفلاح

والايد المليانه جراح

حيا حيا على الفلاح

والرب العا لي بيعين


"تسمع صفارات انذار والاضاءه تحول الى اضائة زرقاء توحي بوجود سيارات الشرطه بالمكان

ويسمع عبر مكبر الصوت نداء بلهجه مُكسره: الى اهالي البلد جميعا كل شاب ورجل وشيخ من جيل 17 الي السبعين، يجب عليه الحظور الى ساحة العين...

كل من اشترك بالتصدي للقوات يوم امس مطلوب منه الحظور من نعثر عليه في بيته لا يلوم الا نفسه"

"يفتح الستار على منظر الساحة

اهل القرية يجلسون على الارض يقف اثنان من الجنود مع اسلحتهم المصوبه باتجاه الاشخاص الجالسون على الارض البعض اصيب وتظهر علامات الاصابات والجروح واللفافات"

الشرطي I: "يجلس الى جانب طاوله وضعت في منتصف المسرح

مخاطباً الشرطي II "

اول إشي

كل اللي مصاوبين يعني امبارح اشتركو بالتصدي للقوات

كل اللي مجروحين

حملوهن بسيارة

وعَ السجن

بلا سؤال ولا جواب

الشرطيII: امرك سيدي

ي الله انتِ واياه

كل واحد مصاوب يقوم عَ السياره...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://yaqub.ahlamontada.com
 
الامانة - الفصل الأول - قسم 2
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
موقع الشاعر يعقوب احمد يعقوب :: مسرحيات-
انتقل الى: