Admin
Admin
المساهمات : 150
تاريخ التسجيل : 26/10/2007
العمر : 66
 | موضوع: الامانة - الفصل الثاني - قسم 2  الأربعاء ديسمبر 19, 2007 9:00 pm | |
| "يقرأ قصيده ابي طه"
يا ديرتي
يا ديرتي لا تعتبي علينا | لومك على اللي خان |
جنت علينا الزعامه | وما كان بالحسبان |
يا طير احمل رساله | وبلغ الجيران |
عَ اللي جرى في كفرمندا | وفيو العقل حيران |
يا ناس قولو معي | يا معشر الخلان |
بعيون تبكي وقلوب | منها يصعد الدخان |
عا كفرمندا الحزينه | صارت بلا سكان |
قد طوقونا بجيش | نص الالف يا اخوان |
وستنات وبرنات | مع مدفع الميدان |
معاهن ابو خضر | هَـ الفاقد الوجدان |
يلعب بذيلو | كانه الثعبان |
وبوقت العصر | حرمو الاذان |
الى شفاعمرو ساقوا | الطفل والشب والشبان |
وعند الوصول | بيتونا بخان |
وكانو يقسمونا | كل عشره بمربط حصان |
علي: اذا ما رجعوه منضرب، مليح اذا بقعدو يقسمونا عَ السجونه
مع كل ثلاثه اربعه بسجن بتصير مصيبه
بتعرف ليكونو اخذوا الحج
قالوله زياره
وبدهن ينقلوه بتصير الشغله مصيبه
احمد: لا الحج ما بقبل
علي: ابتعرف انا كنت ناوي احكي مع الحج واحنا هون بالسجن
نقرا الفاتحه
احمد: فاتحة شو
علي: فاتحة عرسك
احمد: هون بالسجن
علي: هون بالسجن
هيك بتدخل التاريخ
عقد قران الشاب احمد عبد الله عل الانسه فاطمه صالح سعيد
في قاعه سجن عكا العامره
"احمد وعلي يضحكان"
احمد: يخرب بيتك وين كاين انت
كيف ما عرفتك من زمان...
"الحاج محمود داخلا الى الغرفه يبدو حزيناً يحمل بيده سله بها بعض الفاكهه والكعك"
علي: خير يا حج شو معاك
الحاج محمود: "ينظر الى علي بحزن"
معاي شويه فواكه وشويه كعك
باعثينهن اهل البلد للمساجين
مهو العيد قرب
علي: لا والله زبطت
الحاج محمود: شو اللي زبط
علي: بدنا نقرا فاتحة احمد وكان ناقصنا شويه كعك وفواكه
الحاج محمود: كيفك يا علي
علي: كيفني هياني... خير يا حج في إشي
الحاج محمود: لا خير ان شا الله خير
علي: بس حسيت انك كنت بدك تقول إشي وبطلت
الحاج محمود: لا الك سلام خاص من البلد
علي: من مين... ابوي كان هون
الحاج محمود: ابوك... لا لا
علي: لكان شو في يا حج
الحاج محمود: ولا شي يا ابني ان شا الله خير
"الحاج محمود يسلم علي السله"
-تعال يا احمد معاوزك
لازم نكتب مكتوب لمدير السجن
علي: طيب انا جاي معاكو
الحاج محمود: لا انت بلاش
علي: ليش...
الحاج محمود: انا مش عارف شو اقولك...
بس بدي احمد شويه هيك على انفراد
علي: يبدو غاضباً... ليش يا حج انا بطلت انفع
الحاج محمود: انت يا علي تاج راسنا...
علي: لكان شو اللي مخبينو عني
الحاج محمود: يا ابني في مشكله زغيره بعدين بحكيلك عنها بدي احمد يكتبلي مكتوب بالعبراني لمدير السجن
علي: طيب فهمني بس مشكلة شو
احنا هون مع بعض
ليش صرتو تتقسمو
انتِ كنت اتظلك تهدي علينا... خليكو قلب واحد...
اسّ انت صرت تقسم يا حج...
الحاج محمود: والله يا ابني لا بقسم ولا إشي
والله غير ابقى احكيلك
كل شي بوقتو حلو... تحرجنيش يا ابني
علي: لا بدي احرجك
ولا تحرجني
الله يسهل عليكو...
بس اذا الاشي بخُص عرس احمد
احمد بدو يصير نسيبنا
الحنى والزفه عندي
المهم انك يا حج تشد حيلك
هاي الحلو جاهز والليله ان شا الله منقرا الفاتحه
الحاج محمود: تعال يا علي
علي: خير
الحاج محمود: هيك يا ابني قد ماهو قلبك طيب وابن حلال
جاي على بالي ابوسك من بين عيونك
علي: تسلم عيونك يا حج
يا الله روحو اكتبو المكتوب لمدير السجن
وانا بحضر لقراية الفاتحه
"الحاج محمود واحمد يجلسان في زاوية الغرفه لكتابه الرساله
علي مشغول بتزين الغرفه يمزق بعض الاغطيه ويعلقها كزينه في الغرفه"
علي: شايف يا احمد... ولا قاعه هاي اللي بقولولها خمس نجزم...
احمد:"وقد انهى كتابه الرساله وسلمها للحاج محمود يتقدم الى علي يحتضنه اليه بحزن" | |
|
