الرئيسيةس .و .جبحـثالتسجيلالأعضاءالمجموعاتدخول

شاطر | 
 

 الامانة - الفصل الثاني - قسم 3

اذهب الى الأسفل 
كاتب الموضوعرسالة
Admin
Admin


المساهمات : 150
تاريخ التسجيل : 26/10/2007
العمر : 60

مُساهمةموضوع: الامانة - الفصل الثاني - قسم 3   الأربعاء ديسمبر 19, 2007 9:01 pm

علي: شو كتبت المكتوب؟؟

احمد: كتبتو بحزن

علي: شو السيره مالك

حدا بزعل ليلة فرحو

احمد: شو ليلة فرحي

علي: انتو بدكو تجننوني...

انا حاسس انو في اشي

احمد: فش إشي

الحاج محمود: يا سجان - تعال افتح الباب في معاي مكتوب

بدي اوصله لمدير السجن

السجان: فش طلوع

هات المكتوب وانا بوصله

شو انتو مفكرين حالكو بمحطة باص

بدي اطلع وبدي انزل

علي: يلعن ابوه هذا ما اثقل دمو

مش عارف ليش هلقدي بكرهو

السجان: شو قلت انت

احمد: ما قال اشي

علي: لا قلت

السجان: كلمه ثانيه الليله بتنام بالزنزانه

علي: روح فك عنا بها الخلقه المقلوبه

احمد: اهدا يا علي

الحاج محمود: لو سمحت خذ المكتوب هذا مستعجل

السجان: هات

الحاج محمود: قله إسى بدنا الجواب

السجان: هات

الحاج محمود: المسأله بتتحملش تأخير

السجان: طيب تعال معاي... هاي آخر مره بفتحلك انا مش بريد هون...

الحاج محمود يخرج مع الرساله

علي: شو هَـ الرساله يا احمد

احمد: في شوية مشاكل بالبلد

علي: شو هني بستحوش احنا هون بهمنا وعذابنا وهني دايرين عَ المشاكل

بدك اتقلي في طوشه بالبلد

احمد: لا يا زلمي شو طوشه

زمن الطوشات خلص انتهى

علي: لعاد مشاكل شو

احمد: انا عارف

علي: شايف انك انتِ مش دُغري معاي

انت مخبي عني إشي

من لما رجعت من عند الحج وهو وجهك مقلوب

احمد: والله ماني عارف شو اقولك

علي: شو ماني عارف ماني عارف

شو انا جاسوس

احمد: اعوذ بالله...

انت اخوي

اخوي "يحتضنه الى صدره"

علي: اخوك

شو هَـ الاخو الي صار ساعة اترجاه

وهو يقول مش عارف شو اقول لك...

احمد: هاي في واحد بالبلد

علي: مالو...

احمد: واحد بدو شوية مساعده ولازم كلنا نوقف معاه

علي: وهاي كل هلقد بدها تفكير

واحد بدو مساعده وكلنا لازم نوقف معاه

منوقف معاه شو هاي بدها هلقد تفكير وتخطيط

احمد: هاي كتبنا مكتوب

اذا ادارة السجن وافقت كان به واذا ما وافقت

لازم احنا نلاقي حل

علي: وافقت والا ما وافقت

شو هي المشكله واحنا منحلها

"الحاج محمود داخلا الى الغرفه تبدو على وجهه علامات الفشل"

علي: خير يا حج

احمد: شو قالوا

الحاج محمود: شو بدو يطلع منهن غير الى...

كلاب

لا برحموا ولا بخلوا رحمة الله تنزل

علي: احنا ليش نستنى شو المشكله واحنا منحلها

احمد: وشو العمل يا حج

الحاج محمود: اتكلوا على الله...

علي: والنعم بالله... بس شو المشكله

انا والله زي الاطرش بالزفه

الحاج محمود: مترددا

هاي في واحد من هون من المساجين

علي: من هون من المساجين اهل بلدنا

الحاج محمود: من اهل البلد

علي: طيب احكي مالو

الحاج محمود: امو توفت

وقدمنا مكتوب

عَ القليله يطلعوه

يشارك بالجنازه

علي: هاي بدها مكتوب... إسّ لازم يطلعوه

الحاج محمود: رفضوا

على: شو رفضوا واحد امه ميته بدو يشارك بجنازتها

بدها سؤال وجواب

الحاج محمود: الشكوى لغير الله مذله

علي: وشو بتستنو

من هاي اللحظه اضراب عن الطعام...

احمد: هذا هو الحل اضراب

الحاج محمود: اضراب

يا سجان روح قول انو كل مساجين البلد مضربين عن الطعام

من هاي اللحظه

علي: بس مين هو الي تمو ميته

احمد: اهدا يا علي

انا بسأل مين هو اللي ماتت امو ولازم يطلع

لازم كلنا نروح عندو

لازم كلنا نوقف جنبو

احمد: شو يا حج

شو العمل

الحاج محمود: تعال يا علي

تعال يا ابني

علي: نعم يا حج

الحاج محمود: يشد علي الى صدره

يا ابني يا علي

كل نفس ذائقة الموت

امك يا علي

علي: امي... امي انا

الحاج محمود: الله يرحمها يا علي

علي: امي انا ماتت

علي يركض باتجاه القضبان

افتحوا يا كلاب

افتحوا

امي ماتت

امي ماتت

بدي اشوفها لاخر مره

افتحوا يا كلاب

"الحاج محمود واحمد يمسكان علي بحزن بجانب القضبان

رؤوسهم مسنده على القضبان"



وتبدأ الاغنيه رقم (5):



سمانا سمانا بللها البكي

ومش باقي معانا الا هَـ الحكي

ومنحكي خبر

يمكن ما إنذكر

ومنرسم صور

ما فيها تشتكي

سمانا سمانا بللها البكي

vvv

سمانا سمانا

سودا من الدخان

وبتبكي معانا

عا غربة الانسان

تبكي معانا

عا غربة الانسان

تبكي عَ الشجر

عقلوب من حجر

عاوجع البشر

على قلب انكسر واتبعثر شظايا

عحدود الحكي

سمانا سمانا... بللها البكي

vvv

مظلوم ومقهور وقلبي مكسور

والدنيا لئيمه

بتلف وبتدور

ولا واحد سالها

يا دنيا شو بكِ

قولوا شو اللي صاير

ليه الشر داير

دواير دواير

والقلب اللي صابر

ليه مكسور الخاطر

اوعك يا مظلوم

اوعك للي ظا لمك

اوعى تشتكي

لانو لانو... ما في فايده منو

و لانو اللي ظا لم

بيشرب البكي

vvv

خليكو معانا ما خلص الحكي

ولا لقينا دوانا

ولا فاد البكي

وايدينا مرفوعه

للعا لي مرفوعه

ما النا غير سمانا

الها نشتكي

وتصرخ يا بشر

يا قلوب من حجر

ونحكي

ويمكن ينفع اخرتو الحكي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://yaqub.ahlamontada.com
 
الامانة - الفصل الثاني - قسم 3
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
موقع الشاعر يعقوب احمد يعقوب :: مسرحيات-
انتقل الى: