الرئيسيةس .و .جبحـثالتسجيلالأعضاءالمجموعاتدخول

شاطر | 
 

 تُحال اوراق المتهم الى فضيلة المفتي

اذهب الى الأسفل 
كاتب الموضوعرسالة
Admin
Admin


المساهمات : 150
تاريخ التسجيل : 26/10/2007
العمر : 61

مُساهمةموضوع: تُحال اوراق المتهم الى فضيلة المفتي   السبت ديسمبر 22, 2007 4:23 pm

تُحال اوراق المتهم الى فضيلة المفتي

قصة متهم.. بعد اعدامه تبين انه ليس المقصود!!




إمبارح كانوا مسكوني

فتشوني.. وأخذوني

ويمكن قسموني نُصين

قد ما.. مطمطوني

وسحبوا الأظافر والعين

وقلعوا كل جفوني

وربطوا ايدي الثنتين

ورشو الملح بعيوني

وما لاقوا حتى تُهمه

عقياسي.. يلبسوني

وقسمولي تهمه نصين

vvv



وبألف تهمة تهموني

.. فصلوها ولبسوني

وكنا قبل العيد بيوم

وعَ الوقفه وقفوني

وتع يا يوم وروح يا يوم

يمكن مرقوا الفين يوم

وما شافوا الشمس عيوني

vvv



وعم دقدق عَلى الحيطان

اسأل الأخ السجان

لو سالوا عني الجيران

او أولادي.. زاروني

او إنس يعني او جان

وإلا كلن.. نسيوني

وتع يا يوم وروح يا يوم

بين الصحو وبين النوم

هذا كوم وكلو كوم

للمفتي.. احالوني

vvv



وحكموا علي بالإعدام

وبكره او بعد ايام

صار لازم يعدموني..

وزارني المفتي يا سلام

وحط ختمو عَ الإعدام

وكان مأدب.. بالكلام

وسألتو بشو تهموني؟

vvv



قلي انا شُغلي الاختام

بختم عوراق الإعدام

وغير هيك ما اعطوني

وقلي من بعد ايام

رح ييجو يسألوني

شو بتتمنى آخر يوم..

وشو بتمنى يعطوني..

قلتلوا يا سيدي الإمام

بديش استنى ايام..

تعالوا.. وإعدموني

vvv





وقلتلوا انا بتمنى

بعد ما تشنقوني

اني اصحَى ثاني يوم

وشوف الوطن بعيوني

فايق صبحية من النوم

وجنونه قد جنوني

ويحرق ما يخلي ولا قصر

يحاكم كل إل حاكموني

ويثور لحتى النصر

وما يخلي جوات القبر

عظمة من اللي ظلموني

ويبدأ منك انت

من هـَ اللحية الملعونة..

vvv
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://yaqub.ahlamontada.com
 
تُحال اوراق المتهم الى فضيلة المفتي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
موقع الشاعر يعقوب احمد يعقوب :: دواوين - قصائد ساخرة-
انتقل الى: