الرئيسيةس .و .جبحـثالتسجيلالأعضاءالمجموعاتدخول

شاطر | 
 

 صلاح الدين

اذهب الى الأسفل 
كاتب الموضوعرسالة
Admin
Admin


المساهمات : 150
تاريخ التسجيل : 26/10/2007
العمر : 61

مُساهمةموضوع: صلاح الدين   السبت ديسمبر 22, 2007 4:40 pm

صلاح الدين





بطل عنا شيء مُهم

شي نكتبه

شي نضحكله

شيء نرسمله

شيء نبكيله

وعَ اللي جوانا نحكيه

شيء انحبه وإنغنيله

شيء يجمعنا ويوحدنا

وبوقت الشدة يسندنا

شيء فيه

من ريحة الأرض

شيء فيه من ريحة الإم

vvv



شيء يحضنا ويدفينا

ويمسح الدمعه بعينينا

ويقرصنا قرصه من الثم

ويقول اضحك

يا ابني

اللي صارلك

مش مُهم

بطل عنا

شيء مهم..

vvv



وصار الوطن الحلو غُربه

وعتم وليل

وخطوة صعبه

واللي كان صاحبك وصاحبي

معدش قلبو على قلبي

وصار يشتت

بدل ما يلم..

والضحكه

انقلبت لدمعه

والشمس اصغر من شمعه

والفرحة

انقلبت.. لغم

وكلشي

بارد قلبو بارد

وكانه

بعروقنا ميه

والميه.. كانها دم..

بطل عنا شيء مهم..

vvv



والغربة لفت حوالينا

وطفت الضي بعنينا

والتاريخ.. إل كان يجمعنا

انقطع عنا.. وقطعنا

صار عمر يُمرق او طارق

كانه واحد مش منا

ولا دمه.. بعروقنا دم

لا إنقله ميل شرفنا

وبحالك نتفه عرفنا

احسن يطلبنا البوليس

والمباحث والتجليس

ويبقى حفر

ويبقى طم

بطل عنا

شيء مهم..

وبعد ما كنا

هيك كبار

اسياد العالم والدار

صفينا يا ذلي زغار

والمواطن مثل الفار

عم يركض بليل نهار

ومحكوم بحديد ونار

والوطن داير مندار

ريحته

خوف وهم ودم

vvv



والأمه إل وصلت للصين

واللي بتعد الملايين

صارت امه من نايمين

وسقطت راية الحضارة

وانطفى ضو المنارة

والناس واقفه

وعم تلطم

عخدودا وصارلا سنين

واتقول

والله خسارة

الف الف

الف خسارة

لو يرجع صلاح الدين..

vvv
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://yaqub.ahlamontada.com
 
صلاح الدين
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
موقع الشاعر يعقوب احمد يعقوب :: دواوين - قصائد ساخرة-
انتقل الى: