Admin Admin
المساهمات : 150 تاريخ التسجيل : 26/10/2007 العمر : 66
| موضوع: الامانة - الفصل الثاني - قسم 5 الأربعاء ديسمبر 19, 2007 9:04 pm | |
| الحاج محمود: هاي في شيخ كبير قبل ما مات نادى اولاده
تعالو يا اولاد...
كل واحد يجيب عصا
كل واحد منهم جاب عصى
قلهن كل واحد يكسر عصاتو
كل واحد مسك هـ العصا... وبسهوله كسرها...
قالهن جيبو عصي مره ثانيه...
حطو العصي مع بعض
صارت العصي حزمه
قلهن اكسروها
جربو ما قدروا
قال الشيخ:
تأبى العصي اذا اجتمعن تكسراً وتكسرت اذا افترقن آحاد
والذيبيا ولاد ما بهاجم الا الغنمه الحايده...
والدنيا يا ولاد غروره...
السجان:الحاج محمود...
الحاج محمود: خير شو في
السجان: تعال
الحاج محمود: متثاقلا خير احكي
السجان: مدير السجن معاوزك...
الحاج محمود: طيب جاي
علي: بس انت تعبان يا حج
الحاج محمود: لعلو خير
"الحاج محمود خارجا من الغرفه، يرافقه علي واحمد"
السجان: انقو خليكو هون
المدير بدو الحاج بس
الحاج محمود: معليش يا ولاد... انا بدبر حالي
علي: "مخاطبا احمد" شو رايك
الحاج مبين عليه تعبان... والله خايف عليه
احمد: وجهو إصفر... حالتو ما بتطمن
خايف عليه...
الاضراب بيزيد حالتو سوء
علي: بس شو نعمل مش رايح يوافق يشرب ولا يوكل
مدام احنا مضربين
احمد: وإشو العمل...
علي: واله ماني عارف
احمد: مش عارف كيف كنا بدنا نحرق هَـ المشاكل لو الحاج ما كان معنا
علي: اصل الحاج اصيل
معدنو ذهب
احمد: تعب معانا كثير
معنوياتو عاليه
بس هَـ الجسم تعب
علي: هه... هيا الحج رجع
السجان: يا الله خلينا نزيح منكو ومن مشاكلكو
الحاج: يقف عند الباب
مبروك عليكو...
مبروك
علي: شو يا حج
احمد: احكي يا حج شو
الحج محمود: اخلاء سبيل
احمد: اخلاء سبيل
علي: كلنا يا حج
الحاج محمود: كلنا... كلنا
علي: يحمل سلة الفواكه... إتحلو إتحلو... مبروك
احمد: كيف اخلاء سبي يا حج
الحاج محمود: اخلاء سبيل للمحكمه...
علي: تعال يا احمد: خذ السله انت لازم إتحلي الناس
احمد: بدي اجيب شويه مي خلي الحاج يشرب
الحاج محمود: والله ما بشرب غير من مية البلد...
السجان: ي الله بسرعه اطلعو...
شو بدكو تعملو حفله هون
بعدين حاجي اتنطوا
انتو ما انتصرتوش
انتو طالعين لانا احنا اطلعناكو
ومشروع المي التغى مش علشانكو...
المشروع التغى لانو تكاليفو كثيره
احمد: وليش من الاول ما حسبتو تكاليفو...
علي: اتركو يا زلمي
هذا الكلمه فيو خساره
"علي -صارخا"
يا بلدنا... هيانا عَ الطريق
يا بلدنا... هيانا راجعين
- ستار -
| |
|