فن الخطابة

موضوع: فن الخطابة السبت ديسمبر 22, 2007 4:09 pm

فن الخطابة

وقف عَ المنصة

ومسح الأرض فينا

وين النخوة عنا

ووين الشهامة

اللي كانت فينا؟!!

وكلامو درر

بيطير شرر

وإهتز وخطب

عن ماضي العرب

تا سالت دموعنا

واشتعلت لهب

وصار الكل يصرخ

تحيا تحيا العرب

vvv

اثاري.. كان ممثل

اعصابو خشب

وعيونو قزاز

واحلامو حطب

بينشري وينباع

بشوية "....."

وبشوية ذهب

واثاري الأخ عندو

معمل للخطب

vvv

في عندو خطب

على حسب الطلب

خُطب للبكا

وخطب للطرب

وخطب للوطنية

وخطب للقومية

وخطب للتقدم

وخطب للهرب

وخطب للراحة

وخطب للتعب

وخطب للمحبة

وخطب للغضب

وخطب للتآخي

وخطب للهب

وخطب للمجوس

وخطب للعرب

وخطب لسّ طازه

وخطب بالعلب..

vvv