اخلاق

موضوع: اخلاق السبت ديسمبر 22, 2007 4:20 pm

أخلاق

يا ضمير العالم.. إحكي

وين هي.. الأخلاق

بلكي نقدر نفهم بلكي

حالة ما بتنطاق

طالع نازل فينا تفتي.. بأمور.. الاذواق

وهـَ الطبخة شاطت واحترقت

ولا ممكن تنذاق

vvv

ولو ماتوا مليون محمد .. وعبد.. الرزاق

بتظل ساكت ومجمد

وكلك.. نفاق

ولو ماتت نعجة او بسه

ببلاد.. الواق واق

بتعقد الف حلقه وجلسه

بمجلس هـَ النفاق

vvv

وكل ثعلب قاعد على كرسي

وعلينا يصبح ويمسي

وما عندو شغلة ولا عمله

إلا يفتش على شي قمله

بسوريا.. وبالعراق

والحق ما هو عليكم

يا بتوع الأخلاق

الحق على أمه هامله

ولازم نحلف عليها

ثلاثة بالطلاق.. vvv