المهاجر

موضوع: المهاجر السبت ديسمبر 22, 2007 4:23 pm

المهاجر

من المغرب.. حتى عمان

ومن طنجة.. للمدينة

مكسور عنا الميزان

وغرقت فينا السفينة

وبالشارع كثروا الفيران.. لحتى فاض المينا

vvv

وكلو بالعلقة علقان

حامل الشنطة وهربان

نفسو يلاقيلو عنوان

فيو كرامة للانسان.. وتحت جناحو يدفينا

vvv

صعبة يا خي.. انو تظل

بمحل.. ما لك محل

اللي ما اتعود عَ الذِل

ما بقدر بالوطن يظل

واللي هاجر وإللي فل

كلو بنفس العلة انعل.. لما مشاعرو إتهينا

vvv

وصار الوطن العربي شنطه

والشناطي.. عَ المحطة

هـَ الوضع بدي من غلطه

والغلطة صارت مِت غلطة

وقلب الوطن.. صابو جلطه.. والجلطه طبت فينا

vvv

لما الكرامة.. تتوطى.. وتتورط كل يوم بورطه

حط ثيابك جوا الشنطة.. واهرب على اقرب مينا..vvv